28 იანვარს, მსოფლიო ბანკის ორგანიზებით, გაიმართა პირველი online ვიდეო კონფერენცია მიწის ადმინისტრირების საკითხებზე, რომელშიც საჯარო რეესტრის ეროვნული სააგენტოს სახელით მონაწილეობა მიიღო სააგენტოს საერთაშორისო ორგანიზაციებთან ურთიერთობის სამსახურის უფროსმა ეკა მესხიძემ.
ვიდეო კონფერენცია „ეროვნული სივრცობრივი ინფრასტრუქტურის მონაცემების განვითარებას“ ეხებოდა. კონფერენციაში მონაწილეობა მიიღო ყველა იმ ქვეყნის წარმომადგენელმა, სადაც მსოფლიო ბანკის მხარდაჭერით სხვადასხვა პროექტები განხორციელებულა.
მსოფლიო ბანკის ვიდეო კონფერენცია სისტემატურ ხასიათს მიიღებს და მასში მონაწილე ორგანიზაციები შეძლებენ ყოველთვიურად გაეცნონ მიწის მართვის სფეროს თანამედროვე ტენდენციებს, მოისმინონ ექსპერტთა მოხსნებები, გაიზიარონ გამოცდილება და ჩაერთონ დისკუსიებში, რაც მნიშვნელოვანია როგორც საერთაშორისო ასპარეზზე ქვეყნის წარმოჩენისთვის, ისე ორგანიზაციის საქმიანობის ეფექტურად წარმართვისათვის.
