საქართველოს იუსტიციის სამინისტროს საჯარო რეესტრის ეროვნულ სააგენტოში სამეწამეო რეესტრის ელექტრონულ პროგრამის სასწავლო კურსი 80 ნოტარიუსმა გაიარა.
ნოტარიუსებს საშუალება მიეცათ დეტალურად გაცნობოდნენ „მეწარმეთა და არასამეწარმეო (არაკომერციულ) იურიდიულ პირთა რეესტრის“ პროგრამის შესაძლებლობებსა და ფუნქციებს, მისი მოხმარების წესს. სასწავლო კურსის გავლის შემდეგ მათ გაუფორმდათ მემორანდუმი, რომლის საფუძველზედაც მიენიჭათ ავტორიზებული მომხმარებლის სტატუსი. ნოტარიუსებს შესაძლებლობა მიეცათ მომხმარებლებს შესთავაზონ საჯარო რეესტრის სრული მომსახურება , რაც მოქალაქეთათვის მეტი კომფორტის, დროისა დ ენერგიის დაზოგვის საშუალებაა.
საჯარო რეესტრის ეროვნული სააგენტო უახლოეს მომავალში გეგმავს მთელი საქართველოს მასშტაბით ყველა მოქმედი ნოტარიუსის სწავლებასა და ავტორიზებული მომხმარებლის სტატუსის მინიჭებას.
